Today's top 5 Urdu Shayari

har saañs na.ī saañs hai har din hai mirā din

taqdīr liye aatī hai har roz nayā din

har sans nai sans hai har din hai mera din

taqdir liye aati hai har roz naya din

nayā saal dīvār par Taañg de

purāne baras kā calendar girā

naya sal diwar par Tang de

purane baras ka calendar gira

agar hai zindagī ik jashn to nā-mehrbāñ kyoñ hai

fasurda rang meñ Duubī huī har dāstāñ kyoñ hai

agar hai zindagi ek jashn to na-mehrban kyon hai

fasurda rang mein Dubi hui har dastan kyon hai

vo jo ik shart thī vahshat kī uThā dī ga.ī kyā

merī bastī kisī sahrā meñ basā dī ga.ī kyā

wo jo ek shart thi wahshat ki uTha di gai kya

meri basti kisi sahra mein basa di gai kya

aañkh se aañkh jab nahīñ miltī

dil se dil ham-kalām hotā hai

aankh se aankh jab nahin milti

dil se dil ham-kalam hota hai