Today's top 5 Urdu Shayari

ātish-e-mast jo mil jaa.e to pūchhūñ us se

tū ne kaifiyyat uThā.ī hai ḳharābāt meñ kyā

aatish-e-mast jo mil jae to puchhun us se

tu ne kaifiyyat uThai hai KHarabaat mein kya

ek muddat se ḳhayāloñ meñ basā hai jo shaḳhs

ġhaur karte haiñ to us kā koī chehra bhī nahīñ

ek muddat se KHayalon mein basa hai jo shaKHs

ghaur karte hain to us ka koi chehra bhi nahin

vo merī raah meñ patthar kī tarah rahtā hai

vo merī raah se patthar haTā bhī detā hai

wo meri rah mein patthar ki tarah rahta hai

wo meri rah se patthar haTa bhi deta hai

dil ko tirī chāhat pe bharosa bhī bahut hai

aur tujh se bichhaḌ jaane kā Dar bhī nahīñ jaatā

dil ko teri chahat pe bharosa bhi bahut hai

aur tujh se bichhaD jaane ka Dar bhi nahin jata

be-takalluf maqām-e-ulfat hai

daaġh uTThe ki aabla baiThe

be-takalluf maqam-e-ulfat hai

dagh uTThe ki aabla baiThe