Today's top 5 Urdu Shayari

use bechain kar jā.ūñgā maiñ bhī

ḳhamoshī se guzar jā.ūñgā maiñ bhī

use bechain kar jaunga main bhi

KHamoshi se guzar jaunga main bhi

koī mujh ko DhūñDhne vaalā

bhuul gayā hai rasta mujh meñ

koi mujh ko DhunDhne wala

bhul gaya hai rasta mujh mein

maiñ bikhar jā.ūñgā zanjīr kī kaḌiyoñ kī tarah

aur rah jā.egī is dasht meñ jhankār mirī

main bikhar jaunga zanjir ki kaDiyon ki tarah

aur rah jaegi is dasht mein jhankar meri

kholā darvāza samajh kar mujh ko ġhair

khā ga.e dhokā mirī āvāz se

khola darwaza samajh kar mujh ko ghair

kha gae dhoka meri aawaz se

ġham-e-firāq ko siine se lag ke sone do

shab-e-tavīl kī hogī sahar kabhī na kabhī

gham-e-firaq ko sine se lag ke sone do

shab-e-tawil ki hogi sahar kabhi na kabhi