Today's top 5 Urdu Shayari

haañ samundar meñ utar lekin ubharne kī bhī soch

Dūbne se pahle gahrā.ī kā andāza lagā

han samundar mein utar lekin ubharne ki bhi soch

Dubne se pahle gahrai ka andaza laga

kisī māshūq kā āshiq se ḳhafā ho jaanā

ruuh kā jism se goyā hai judā ho jaanā

kisi mashuq ka aashiq se KHafa ho jaana

ruh ka jism se goya hai juda ho jaana

jaane kis ḳhvāb-e-pareshāñ kā hai chakkar saarā

bikhrā bikhrā huā rahtā hai mirā ghar saarā

jaane kis KHwab-e-pareshan ka hai chakkar sara

bikhra bikhra hua rahta hai mera ghar sara

ahl-e-dil ke vāste paiġhām ho kar rah ga.ī

zindagī majbūriyoñ kā naam ho kar rah ga.ī

ahl-e-dil ke waste paigham ho kar rah gai

zindagi majburiyon ka nam ho kar rah gai

izāla ho gayā tāḳhīr se nikalne kā

guzar ga.ī hai safar meñ mire qayām kī shaam

izala ho gaya taKHir se nikalne ka

guzar gai hai safar mein mere qayam ki sham