Today's top 5 Urdu Shayari

ishq meñ ḳhair thā junūñ lāzim

ab koī dūsrā hunar bhī karūñ

ishq mein KHair tha junun lazim

ab koi dusra hunar bhi karun

zamīñ ābād hotī jā rahī hai

kahāñ jā.egī tanhā.ī hamārī

zamin aabaad hoti ja rahi hai

kahan jaegi tanhai hamari

ghar kī vahshat se laraztā huuñ magar jaane kyuuñ

shaam hotī hai to ghar jaane ko jī chāhtā hai

ghar ki wahshat se larazta hun magar jaane kyun

sham hoti hai to ghar jaane ko ji chahta hai

na manzil huuñ na manzil-āshnā huuñ

misāl-e-barg uḌtā phir rahā huuñ

na manzil hun na manzil-ashna hun

misal-e-barg uDta phir raha hun

pahle is meñ ik adā thī naaz thā andāz thā

rūThnā ab to tirī aadat meñ shāmil ho gayā

pahle is mein ek ada thi naz tha andaz tha

ruThna ab to teri aadat mein shamil ho gaya