Today's top 5 Urdu Shayari

kashtiyāñ sab kī kināre pe pahuñch jaatī haiñ

nāḳhudā jin kā nahīñ un kā ḳhudā hotā hai

kashtiyan sab ki kinare pe pahunch jati hain

naKHuda jin ka nahin un ka KHuda hota hai

ġhussa qātil kā na baḌhtā hai na kam hotā hai

ek sar hai ki vo har roz qalam hotā hai

ghussa qatil ka na baDhta hai na kam hota hai

ek sar hai ki wo har roz qalam hota hai

din to phir din hai guzar jaatā hai

raat kaTtī hai baḌī mushkil se

din to phir din hai guzar jata hai

raat kaTti hai baDi mushkil se

sarkashī ḳhud-kashī pe ḳhatm huī

ek rassī thī jal ga.ī shāyad

sarkashi KHud-kashi pe KHatm hui

ek rassi thi jal gai shayad

ye lamha lamha zinda rahne kī ḳhvāhish kā hāsil hai

ki lahza lahza apne aap hī meñ mar rahā huuñ maiñ

ye lamha lamha zinda rahne ki KHwahish ka hasil hai

ki lahza lahza apne aap hi mein mar raha hun main