Today's top 5 Urdu Shayari

dil ek aur hazār āzmā.isheñ ġham kī

diyā jalā to thā lekin havā kī zad par thā

dil ek aur hazar aazmaishen gham ki

diya jala to tha lekin hawa ki zad par tha

zindagī bhar dar-o-dīvār sajā.e jaa.eñ

tab kahīñ jā ke makīnoñ pe makāñ khulte haiñ

zindagi bhar dar-o-diwar sajae jaen

tab kahin ja ke makinon pe makan khulte hain

ye sadā kaash usī ne dī ho

is tarah vo hī bulātā hai mujhe

ye sada kash usi ne di ho

is tarah wo hi bulata hai mujhe

masrūf ham bhī anjuman-ārā.iyoñ meñ the

ghar jal rahā thā log tamāshā.iyoñ meñ the

masruf hum bhi anjuman-araiyon mein the

ghar jal raha tha log tamashaiyon mein the

ye shahr hai anjān kahāñ raat guzārūñ

hai jān-na-pahchān kahāñ raat guzārūñ

ye shahr hai anjaan kahan raat guzarun

hai jaan-na-pahchan kahan raat guzarun