Today's top 5 Urdu Shayari

tere naġhmoñ se hai rag rag meñ tarannum paidā

ishrat-e-rūh hai zālim tirī āvāz nahīñ

tere naghmon se hai rag rag mein tarannum paida

ishrat-e-ruh hai zalim teri aawaz nahin

kis se shikva kareñ vīrānī-e-hastī kā 'hayāt'

ham ne ḳhud apnī tamannāoñ ko jiine na diyā

kis se shikwa karen virani-e-hasti ka 'hayat'

hum ne KHud apni tamannaon ko jine na diya

maiñ bhī apnī zaat meñ ābād huuñ

mere andar bhī qabīle haiñ bahut

main bhi apni zat mein aabaad hun

mere andar bhi qabile hain bahut

maiñ ne kitne raste badle lekin har raste meñ 'faroġh'

ek añdherā saath rahā hai raushniyoñ ke hujūm liye

main ne kitne raste badle lekin har raste mein 'farogh'

ek andhera sath raha hai raushniyon ke hujum liye

tū ġhazal ban ke utar baat mukammal ho jaa.e

muntazir dil kī munājāt mukammal ho jaa.e

tu ghazal ban ke utar baat mukammal ho jae

muntazir dil ki munajat mukammal ho jae