Today's top 5 Urdu Shayari

aarzū hai ki tū yahāñ aa.e

aur phir umr bhar na jaa.e kahīñ

aarzu hai ki tu yahan aae

aur phir umr bhar na jae kahin

us ko bhī yaad karne kī fursat na thī mujhe

masrūf thā maiñ kuchh bhī na karne ke bāvajūd

us ko bhi yaad karne ki fursat na thi mujhe

masruf tha main kuchh bhi na karne ke bawajud

chhoḌne maiñ nahīñ jaatā use darvāze tak

lauT aatā huuñ ki ab kaun use jaatā dekhe

chhoDne main nahin jata use darwaze tak

lauT aata hun ki ab kaun use jata dekhe

chhup ga.e vo sāz-e-hastī chheḌ kar

ab to bas āvāz hī āvāz hai

chhup gae wo saz-e-hasti chheD kar

ab to bas aawaz hi aawaz hai

saat sandūqoñ meñ bhar kar dafn kar do nafrateñ

aaj insāñ ko mohabbat kī zarūrat hai bahut

sat sanduqon mein bhar kar dafn kar do nafraten

aaj insan ko mohabbat ki zarurat hai bahut