Today's top 5 Urdu Shayari

jān-levā thiiñ ḳhvāhisheñ varna

vasl se intizār achchhā thā

jaan-lewa thin KHwahishen warna

wasl se intizar achchha tha

dost ban kar bhī nahīñ saath nibhāne vaalā

vahī andāz hai zālim kā zamāne vaalā

dost ban kar bhi nahin sath nibhane wala

wahi andaz hai zalim ka zamane wala

kabhī merī talab kachche ghaḌe par paar utartī hai

kabhī mahfūz kashtī meñ safar karne se Dartā huuñ

kabhi meri talab kachche ghaDe par par utarti hai

kabhi mahfuz kashti mein safar karne se Darta hun

har sahārā be-amal ke vāste be-kār hai

aañkh hī khole na jab koī ujālā kyā kare

har sahaara be-amal ke waste be-kar hai

aankh hi khole na jab koi ujala kya kare

ishq meñ be-tābiyāñ hotī haiñ lekin ai 'hasan'

jis qadar bechain tum ho us qadar koī na ho

ishq mein be-tabiyan hoti hain lekin ai 'hasan'

jis qadar bechain tum ho us qadar koi na ho