Today's top 5 Urdu Shayari

gardish-e-māh-o-sāl se aage nikal gayā huuñ maiñ

jaise badal ga.e ho tum jaise badal gayā huuñ maiñ

gardish-e-mah-o-sal se aage nikal gaya hun main

jaise badal gae ho tum jaise badal gaya hun main

ishq meñ ḳhair thā junūñ lāzim

ab koī dūsrā hunar bhī karūñ

ishq mein KHair tha junun lazim

ab koi dusra hunar bhi karun

adāvateñ thīñ, taġhāful thaa, ranjisheñ thiiñ bahut

bichhaḌne vaale meñ sab kuchh thaa, bevafā.ī na thī

adawaten thin, taghaful tha, ranjishen thin bahut

bichhaDne wale mein sab kuchh tha, bewafai na thi

chilchilātī-dhūp thī lekin thā saaya ham-qadam

sā.ebāñ kī chhāñv ne mujh ko akelā kar diyā

chilchilati-dhup thi lekin tha saya ham-qadam

saeban ki chhanw ne mujh ko akela kar diya

koī is fasl meñ dīvāna huā hai shāyad

ki havā haath meñ zanjīr liye phirtī hai

koi is fasl mein diwana hua hai shayad

ki hawa hath mein zanjir liye phirti hai