Today's top 5 Urdu Shayari

achchhī qismat achchhā mausam achchhe log

phir bhī dil ghabrā jaatā hai ba.az auqāt

achchhi qismat achchha mausam achchhe log

phir bhi dil ghabra jata hai baz auqat

bachche merī uñglī thāme dhīre dhīre chalte the

phir vo aage dauḌ ga.e maiñ tanhā pīchhe chhūT gayā

bachche meri ungli thame dhire dhire chalte the

phir wo aage dauD gae main tanha pichhe chhuT gaya

ham ko pahle bhī na milne kī shikāyat kab thī

ab jo hai tark-e-marāsim kā bahāna ham se

hum ko pahle bhi na milne ki shikayat kab thi

ab jo hai tark-e-marasim ka bahana hum se

kiyā mujh ishq ne zālim kuuñ aab āhista āhista

ki ātish gul kuuñ kartī hai gulāb āhista āhista

kiya mujh ishq ne zalim kun aab aahista aahista

ki aatish gul kun karti hai gulab aahista aahista

tum ga.e raunaq-e-bahār ga.ī

tum na jaao bahār ke din haiñ

tum gae raunaq-e-bahaar gai

tum na jao bahaar ke din hain