Today's top 5 Urdu Shayari

girte haiñ samundar meñ baḌe shauq se dariyā

lekin kisī dariyā meñ samundar nahīñ girtā

girte hain samundar mein baDe shauq se dariya

lekin kisi dariya mein samundar nahin girta

dil ne chupke se kahā koshish-e-nākām ke baad

zahr hī dard-e-mohabbat kī davā ho jaise

dil ne chupke se kaha koshish-e-nakaam ke baad

zahr hi dard-e-mohabbat ki dawa ho jaise

dard-e-mahrūmī-e-jāved bhī ik daulat hai

ahl-e-ġham bhī tire sharminda-e-ehsāñ nikle

dard-e-mahrumi-e-jawed bhi ek daulat hai

ahl-e-gham bhi tere sharminda-e-ehsan nikle

āshiq kī bhī hastī hai duniyā meñ ajab hastī

zinda hai to rusvā hai mar jaa.e to afsāna

aashiq ki bhi hasti hai duniya mein ajab hasti

zinda hai to ruswa hai mar jae to afsana

usī ko zindagī kā saaz de ke mutma.in huuñ maiñ

vo husn jis ko husn-e-be-sabāt kahte aa.e haiñ

usi ko zindagi ka saz de ke mutmain hun main

wo husn jis ko husn-e-be-sabaat kahte aae hain