Today's top 5 Urdu Shayari

mere nāloñ meñ asar ho ye zarūrī to nahīñ

har shab-e-ġham kī sahar ho ye zarūrī to nahīñ

mere nalon mein asar ho ye zaruri to nahin

har shab-e-gham ki sahar ho ye zaruri to nahin

ġharaz ki kaaT diye zindagī ke din ai dost

vo terī yaad meñ hoñ yā tujhe bhulāne meñ

gharaz ki kaT diye zindagi ke din ai dost

wo teri yaad mein hon ya tujhe bhulane mein

na chārāgar kī zarūrat na kuchh davā kī hai

duā ko haath uThāo ki ġham kī raat kaTe

na chaaragar ki zarurat na kuchh dawa ki hai

dua ko hath uThao ki gham ki raat kaTe

'mus.hafī' kyūñke chhupe un se mirā dard-e-nihāñ

yaar to baat ke andāz se pā jaate haiñ

'mushafi' kyunke chhupe un se mera dard-e-nihan

yar to baat ke andaz se pa jate hain

is adā se mujhe salām kiyā

ek hī aan meñ ġhulām kiyā

is ada se mujhe salam kiya

ek hi aan mein ghulam kiya