Today's top 5 Urdu Shayari

ishq aur aql meñ huī hai shart

jiit aur haar kā tamāshā hai

ishq aur aql mein hui hai shart

jit aur haar ka tamasha hai

gaañv kī aañkh se bastī kī nazar se dekhā

ek hī rañg hai duniyā ko jidhar se dekhā

ganw ki aankh se basti ki nazar se dekha

ek hi rang hai duniya ko jidhar se dekha

ik nadī meñ saikḌoñ dariyā kī tuġhyānī milī

Dūbne vaale ko mar jaane kī āsānī milī

ek nadi mein saikDon dariya ki tughyani mili

Dubne wale ko mar jaane ki aasani mili

jo kushūd-e-kār-e-tilism hai vo faqat hamārā hī ism hai

vo girah kisī se khulegī kyā jo tirī jabīñ kī shikan meñ hai

jo kushud-e-kar-e-tilism hai wo faqat hamara hi ism hai

wo girah kisi se khulegi kya jo teri jabin ki shikan mein hai

daaġh duniyā ne diye zaḳhm zamāne se mile

ham ko tohfe ye tumheñ dost banāne se mile

dagh duniya ne diye zaKHm zamane se mile

hum ko tohfe ye tumhein dost banane se mile