Today's top 5 Urdu Shayari

jaane kis ḳhvāb-e-pareshāñ kā hai chakkar saarā

bikhrā bikhrā huā rahtā hai mirā ghar saarā

jaane kis KHwab-e-pareshan ka hai chakkar sara

bikhra bikhra hua rahta hai mera ghar sara

aur kyā is se ziyāda koī narmī bartūñ

dil ke zaḳhmoñ ko chhuā hai tire gāloñ kī tarah

aur kya is se ziyaada koi narmi bartun

dil ke zaKHmon ko chhua hai tere galon ki tarah

qais jañgal meñ akelā hai mujhe jaane do

ḳhuub guzregī jo mil baiTheñge dīvāne do

qais jangal mein akela hai mujhe jaane do

KHub guzregi jo mil baiThenge diwane do

mujhe dost kahne vaale zarā dostī nibhā de

ye mutālba hai haq kā koī iltijā nahīñ hai

mujhe dost kahne wale zara dosti nibha de

ye mutalba hai haq ka koi iltija nahin hai

so jaate haiñ fōtpath pe aḳhbār bichhā kar

mazdūr kabhī niiñd kī golī nahīñ khāte

so jate hain footpath pe aKHbar bichha kar

mazdur kabhi nind ki goli nahin khate