Today's top 5 Urdu Shayari

shikast-e-zindagī vaise bhī maut hī hai nā

tū sach batā ye mulāqāt āḳhrī hai nā

shikast-e-zindagi waise bhi maut hi hai na

tu sach bata ye mulaqat aaKHri hai na

kaisī kaisī mahfileñ suunī huiiñ

phir bhī duniyā kis qadar ābād hai

kaisi kaisi mahfilen suni huin

phir bhi duniya kis qadar aabaad hai

use paak nazroñ se chūmnā bhī ibādatoñ meñ shumār hai

koī phuul laakh qarīb ho kabhī maiñ ne us ko chhuā nahīñ

use pak nazron se chumna bhi ibaadaton mein shumar hai

koi phul lakh qarib ho kabhi main ne us ko chhua nahin

husn kāfir thā adā qātil thī bāteñ sehr thiiñ

aur to sab kuchh thā lekin rasm-e-dildārī na thī

husn kafir tha ada qatil thi baaten sehr thin

aur to sab kuchh tha lekin rasm-e-dildari na thi

daraḳht karte nahīñ is liye umīd-e-vafā

vo jānte haiñ parindoñ ke par nikalte haiñ

daraKHt karte nahin is liye umid-e-wafa

wo jaante hain parindon ke par nikalte hain