Today's top 5 Urdu Shayari

va.ade kā e'tibār to hai vāqa.ī mujhe

ye aur baat hai ki hañsī aa ga.ī mujhe

wade ka e'tibar to hai waqai mujhe

ye aur baat hai ki hansi aa gai mujhe

ye zindagī jo pukāre to shak sā hotā hai

kahīñ abhī to mujhe ḳhud-kushī nahīñ karnī

ye zindagi jo pukare to shak sa hota hai

kahin abhi to mujhe KHud-kushi nahin karni

gulshan kī faqat phūloñ se nahīñ kāñToñ se bhī zīnat hotī hai

jiine ke liye is duniyā meñ ġham kī bhī zarūrat hotī hai

gulshan ki faqat phulon se nahin kanTon se bhi zinat hoti hai

jine ke liye is duniya mein gham ki bhi zarurat hoti hai

vahī shāgird phir ho jaate haiñ ustād ai 'jauhar'

jo apne jān-o-dil se ḳhidmat-e-ustād karte haiñ

wahi shagird phir ho jate hain ustad ai 'jauhar'

jo apne jaan-o-dil se KHidmat-e-ustad karte hain

ik manzar meñ ik dhuñdle se aks meñ chhup ke ro leñ

ham kis ḳhvāb meñ āñkheñ mūñdeñ kis meñ āñkheñ kholeñ

ek manzar mein ek dhundle se aks mein chhup ke ro len

hum kis KHwab mein aankhen munden kis mein aankhen kholen