Today's top 5 Urdu Shayari

kis se ummīd kareñ koī ilāj-e-dil kī

chārāgar bhī to bahut dard kā maarā niklā

kis se ummid karen koi ilaj-e-dil ki

chaaragar bhi to bahut dard ka mara nikla

tumheñ ġhairoñ se kab fursat ham apne ġham se kam ḳhālī

chalo bas ho chukā milnā na tum ḳhālī na ham ḳhālī

tumhein ghairon se kab fursat hum apne gham se kam KHali

chalo bas ho chuka milna na tum KHali na hum KHali

koī hai mast koī tishna-kām hai saaqī

ye mai-kade kā tire kyā nizām hai saaqī

koi hai mast koi tishna-kaam hai saqi

ye mai-kade ka tere kya nizam hai saqi

yuuñ to ab bhī hai vahī rañj vahī mahrūmī

vo jo ik terī taraf se thā ishārā na rahā

yun to ab bhi hai wahi ranj wahi mahrumi

wo jo ek teri taraf se tha ishaara na raha

tum se pahle vo jo ik shaḳhs yahāñ taḳht-nashīñ thā

us ko bhī apne ḳhudā hone pe itnā hī yaqīñ thā

tum se pahle wo jo ek shaKHs yahan taKHt-nashin tha

us ko bhi apne KHuda hone pe itna hi yaqin tha