Today's top 5 Urdu Shayari

'saif' andāz-e-bayāñ rañg badal detā hai

varna duniyā meñ koī baat na.ī baat nahīñ

'saif' andaz-e-bayan rang badal deta hai

warna duniya mein koi baat nai baat nahin

bachchoñ ke chhoTe hāthoñ ko chāñd sitāre chhūne do

chaar kitābeñ paḌh kar ye bhī ham jaise ho jā.eñge

bachchon ke chhoTe hathon ko chand sitare chhune do

chaar kitaben paDh kar ye bhi hum jaise ho jaenge

ham ko bharam ne bahr-e-tavahhum banā diyā

dariyā samajh ke kuud paḌe ham sarāb meñ

hum ko bharam ne bahr-e-tawahhum bana diya

dariya samajh ke kud paDe hum sarab mein

tū dekh rahā hai jo mirā haal hai qāsid

mujh ko yahī kahnā hai ki maiñ kuchh nahīñ kahtā

tu dekh raha hai jo mera haal hai qasid

mujh ko yahi kahna hai ki main kuchh nahin kahta

kahte nahīñ haiñ haal kisī rāzdāñ se ham

vāqif hue haiñ jab se fareb-e-jahāñ se ham

kahte nahin hain haal kisi raazdan se hum

waqif hue hain jab se fareb-e-jahan se hum