Today's top 5 Urdu Shayari

jhuuT bolā hai to qaa.em bhī raho us par 'zafar'

aadmī ko sāhab-e-kirdār honā chāhiye

jhuT bola hai to qaem bhi raho us par 'zafar'

aadmi ko sahab-e-kirdar hona chahiye

bad kī sohbat meñ mat baiTho is kā hai anjām burā

bad na bane to bad kahlā.e bad achchhā badnām burā

bad ki sohbat mein mat baiTho is ka hai anjam bura

bad na bane to bad kahlae bad achchha badnam bura

ham se koī ta.alluq-e-ḳhātir to hai use

vo yaar bā-vafā na sahī bevafā to hai

hum se koi talluq-e-KHatir to hai use

wo yar ba-wafa na sahi bewafa to hai

apnī hālat kā ḳhud ehsās nahīñ hai mujh ko

maiñ ne auroñ se sunā hai ki pareshān huuñ maiñ

apni haalat ka KHud ehsas nahin hai mujh ko

main ne auron se suna hai ki pareshan hun main

roz achchhe nahīñ lagte aañsū

ḳhaas mauqoñ pe mazā dete haiñ

roz achchhe nahin lagte aansu

KHas mauqon pe maza dete hain