Today's top 5 Urdu Shayari

dil hai ki tirī yaad se ḳhālī nahīñ rahtā

shāyad hī kabhī maiñ ne tujhe yaad kiyā ho

dil hai ki teri yaad se KHali nahin rahta

shayad hi kabhi main ne tujhe yaad kiya ho

ham un ke sitam ko bhī karam jaan rahe haiñ

aur vo haiñ ki is par bhī burā maan rahe haiñ

hum un ke sitam ko bhi karam jaan rahe hain

aur wo hain ki is par bhi bura man rahe hain

uThā surāhī ye shīsha vo jaam le saaqī

phir is ke baad ḳhudā kā bhī naam le saaqī

uTha surahi ye shisha wo jam le saqi

phir is ke baad KHuda ka bhi nam le saqi

kitne mah-o-anjum haiñ ziyā-pāsh azal se

lekin na huī kam dil-e-insāñ kī siyāhī

kitne mah-o-anjum hain ziya-pash azal se

lekin na hui kam dil-e-insan ki siyahi

ye ilm kā saudā ye risāle ye kitābeñ

ik shaḳhs kī yādoñ ko bhulāne ke liye haiñ

ye ilm ka sauda ye risale ye kitaben

ek shaKHs ki yaadon ko bhulane ke liye hain