Today's top 5 Urdu Shayari

koī hai mast koī tishna-kām hai saaqī

ye mai-kade kā tire kyā nizām hai saaqī

koi hai mast koi tishna-kaam hai saqi

ye mai-kade ka tere kya nizam hai saqi

mauj mauj tūfāñ hai mauj mauj sāhil hai

kitne Duub jaate haiñ kitne bach nikalte haiñ

mauj mauj tufan hai mauj mauj sahil hai

kitne Dub jate hain kitne bach nikalte hain

ai 'mus.hafī' sad-shukr huā vasl mayassar

iftār kiyā roze meñ us lab ke rotab se

ai 'mushafi' sad-shukr hua wasl mayassar

iftar kiya roze mein us lab ke rotab se

makīñ jab niiñd ke saa.e meñ sustāne lageñ 'tābish'

safar karte haiñ bastī ke makāñ āhista āhista

makin jab nind ke sae mein sustane lagen 'tabish'

safar karte hain basti ke makan aahista aahista

un kī nigāh-e-nāz kī gardish ke saath saath

mahsūs ye huā ki zamāna badal gayā

un ki nigah-e-naz ki gardish ke sath sath

mahsus ye hua ki zamana badal gaya