Today's top 5 Urdu Shayari

aañkh se duur sahī dil se kahāñ jā.egā

jaane vaale tū hameñ yaad bahut aa.egā

aankh se dur sahi dil se kahan jaega

jaane wale tu hamein yaad bahut aaega

ulajhtī jaatī haiñ girheñ adhūre lafzoñ kī

ham apnī bātoñ ke saare agar magar kholeñ

ulajhti jati hain girhen adhure lafzon ki

hum apni baaton ke sare agar magar kholen

mohabbat karne vaale kam na hoñge

tirī mahfil meñ lekin ham na hoñge

mohabbat karne wale kam na honge

teri mahfil mein lekin hum na honge

sazā ke jhelne vaale ye sochnā hai gunāh

koī qusūr bhī tujh se kabhī huā ki nahīñ

saza ke jhelne wale ye sochna hai gunah

koi qusur bhi tujh se kabhi hua ki nahin

ye rāh-e-ishq hai āḳhir koī mazāq nahīñ

sa.ūbatoñ se jo ghabrā ga.e hoñ ghar jaa.eñ

ye rah-e-ishq hai aaKHir koi mazaq nahin

saubaton se jo ghabra gae hon ghar jaen