Today's top 5 Urdu Shayari

ye sard raat ye āvārgī ye niiñd kā bojh

ham apne shahr meñ hote to ghar ga.e hote

ye sard raat ye aawargi ye nind ka bojh

hum apne shahr mein hote to ghar gae hote

itnī miltī hai mirī ġhazloñ se sūrat terī

log tujh ko mirā mahbūb samajhte hoñge

itni milti hai meri ghazlon se surat teri

log tujh ko mera mahbub samajhte honge

mat poñchh abrū-e-araq-ālūd haath se

lāzim hai ehtiyāt ki hai āb-dār teġh

mat ponchh abru-e-araq-alud hath se

lazim hai ehtiyat ki hai aab-dar tegh

ai sanam jis ne tujhe chāñd sī sūrat dī hai

usī allāh ne mujh ko bhī mohabbat dī hai

ai sanam jis ne tujhe chand si surat di hai

usi allah ne mujh ko bhi mohabbat di hai

tum ko aatā hai pyaar par ġhussa

mujh ko ġhusse pe pyaar aatā hai

tum ko aata hai pyar par ghussa

mujh ko ghusse pe pyar aata hai