Today's top 5 Urdu Shayari

ḳhushbū jaisī raat ne merā

apne jaisā haal kiyā thā

KHushbu jaisi raat ne mera

apne jaisa haal kiya tha

havas shāmil hai thoḌī sī duā meñ

abhī is lau meñ halkā sā dhuāñ hai

hawas shamil hai thoDi si dua mein

abhi is lau mein halka sa dhuan hai

ab mujh ko ehtimām se kiije supurd-e-ḳhāk

uktā chukā huuñ jism kā malba uThā ke maiñ

ab mujh ko ehtimam se kije supurd-e-KHak

ukta chuka hun jism ka malba uTha ke main

bahut qadīm nahīñ kal kā vāqi.a hai ye

maiñ is zamīn pe utrā thā terī zaat ke saath

bahut qadim nahin kal ka waqia hai ye

main is zamin pe utra tha teri zat ke sath

yuuñ chaar din kī bahāroñ ke qarz utāre ga.e

tumhāre ba.ad ke mausam faqat guzāre ga.e

yun chaar din ki bahaaron ke qarz utare gae

tumhaare baad ke mausam faqat guzare gae