Today's top 5 Urdu Shayari

ishq ke iz.hār meñ har-chand rusvā.ī to hai

par karūñ kyā ab tabī.at aap par aa.ī to hai

ishq ke izhaar mein har-chand ruswai to hai

par karun kya ab tabiat aap par aai to hai

zabāñ ḳhāmosh magar nazroñ meñ ujālā dekhā

us kā iz.hār-e-mohabbat bhī nirālā dekhā

zaban KHamosh magar nazron mein ujala dekha

us ka izhaar-e-mohabbat bhi nirala dekha

tujh se kis tarah maiñ iz.hār-e-tamannā kartā

lafz sūjhā to ma.ānī ne baġhāvat kar dī

tujh se kis tarah main izhaar-e-tamanna karta

lafz sujha to maani ne baghawat kar di

dil pe kuchh aur guzartī hai magar kyā kiije

lafz kuchh aur hī iz.hār kiye jaate haiñ

dil pe kuchh aur guzarti hai magar kya kije

lafz kuchh aur hi izhaar kiye jate hain

hazār rañg meñ mumkin hai dard kā iz.hār

tire firāq meñ marnā hī kyā zarūrī hai

hazar rang mein mumkin hai dard ka izhaar

tere firaq mein marna hi kya zaruri hai