Today's top 5 Urdu Shayari

bint-e-havvā huuñ maiñ ye mirā jurm hai

aur phir shā.erī to kaḌā jurm hai

bint-e-hawwa hun main ye mera jurm hai

aur phir shaeri to kaDa jurm hai

kis se ab ārzū-e-vasl kareñ

is ḳharābe meñ koī mard kahāñ

kis se ab aarzu-e-wasl karen

is KHarabe mein koi mard kahan

dushmanoñ ke saath mere dost bhī āzād haiñ

dekhnā hai khīñchtā hai mujh pe pahlā tiir kaun

dushmanon ke sath mere dost bhi aazad hain

dekhna hai khinchta hai mujh pe pahla tir kaun

laḌkiyāñ maaoñ jaise muqaddar kyuuñ rakhtī haiñ

tan sahrā aur aañkh samundar kyuuñ rakhtī haiñ

laDkiyan maon jaise muqaddar kyun rakhti hain

tan sahra aur aankh samundar kyun rakhti hain

bahār-e-nau kī phir hai aamad aamad

chaman ujḌā koī phir ham-nafas kyā

bahaar-e-nau ki phir hai aamad aamad

chaman ujDa koi phir ham-nafas kya