Today's top 5 Urdu Shayari

khetiyāñ chhāloñ kī hotī thiiñ lahū ugte the

kitnā zarḳhez thā vo dar-badarī kā mausam

khetiyan chhaalon ki hoti thin lahu ugte the

kitna zarKHez tha wo dar-badari ka mausam

ek ik baat meñ sachchā.ī hai us kī lekin

apne va.adoñ se mukar jaane ko jī chāhtā hai

ek ek baat mein sachchai hai us ki lekin

apne wadon se mukar jaane ko ji chahta hai

ab tum bhī zarā husn-e-jahāñ-soz ko roko

ham to dil-e-betāb ko samjhā.e hue haiñ

ab tum bhi zara husn-e-jahan-soz ko roko

hum to dil-e-betab ko samjhae hue hain

sūrmā jis ke kināroñ se palaT aate haiñ

maiñ ne kashtī ko utārā hai usī paanī meñ

surma jis ke kinaron se palaT aate hain

main ne kashti ko utara hai usi pani mein

jahāñ meñ hone ko ai dost yuuñ to sab hogā

tire laboñ pe mire lab hoñ aisā kab hogā

jahan mein hone ko ai dost yun to sab hoga

tere labon pe mere lab hon aisa kab hoga