Today's top 5 Urdu Shayari

ta.amīr-o-taraqqī vaale haiñ kahiye bhī to un ko kyā kahiye

jo shīsh-mahal meñ baiThe hue mazdūr kī bāteñ karte haiñ

tamir-o-taraqqi wale hain kahiye bhi to un ko kya kahiye

jo shish-mahal mein baiThe hue mazdur ki baaten karte hain

us se yahī kahtā huuñ vājib ehtirām-e-ishq hai

andar se ye ḳhvāhish hai vo jaisā kahe vaisā karūñ

us se yahi kahta hun wajib ehtiram-e-ishq hai

andar se ye KHwahish hai wo jaisa kahe waisa karun

ik roz chhīn legī hamīñ se zamīñ hameñ

chhīneñge kyā zamīñ ke ḳhazāne zamīñ se ham

ek roz chhin legi hamin se zamin hamein

chhinenge kya zamin ke KHazane zamin se hum

burā ho ā.īñe tirā maiñ kaun huuñ na khul sakā

mujhī ko pesh kar diyā gayā mirī misāl meñ

bura ho aaine tera main kaun hun na khul saka

mujhi ko pesh kar diya gaya meri misal mein

miltī hai ġham se ruuh ko ik lazzat-e-hayāt

jo ġham-nasīb hai vo baḌā ḳhush-nasīb hai

milti hai gham se ruh ko ek lazzat-e-hayat

jo gham-nasib hai wo baDa KHush-nasib hai