Today's top 5 Urdu Shayari

nahīñ nigāh meñ manzil to justujū hī sahī

nahīñ visāl mayassar to aarzū hī sahī

nahin nigah mein manzil to justuju hi sahi

nahin visal mayassar to aarzu hi sahi

kitne aish se rahte hoñge kitne itrāte hoñge

jaane kaise log vo hoñge jo us ko bhāte hoñge

kitne aish se rahte honge kitne itraate honge

jaane kaise log wo honge jo us ko bhate honge

kaash dekho kabhī TuuTe hue ā.īnoñ ko

dil shikasta ho to phir apnā parāyā kyā hai

kash dekho kabhi TuTe hue aainon ko

dil shikasta ho to phir apna paraya kya hai

apnī apnī gardish-e-raftār puurī kar to leñ

do sitāre phir kisī din ek jā ho jā.eñge

apni apni gardish-e-raftar puri kar to len

do sitare phir kisi din ek ja ho jaenge

nagrī nagrī phirā musāfir ghar kā rastā bhuul gayā

kyā hai terā kyā hai merā apnā parāyā bhuul gayā

nagri nagri phira musafir ghar ka rasta bhul gaya

kya hai tera kya hai mera apna paraya bhul gaya