Today's top 5 Urdu Shayari

eid kā chāñd tum ne dekh liyā

chāñd kī eid ho ga.ī hogī

eid ka chand tum ne dekh liya

chand ki eid ho gai hogi

tū aa.e to mujh ko bhī

iid kā chāñd dikhā.ī de

tu aae to mujh ko bhi

id ka chand dikhai de

eid kā din hai gale aaj to mil le zālim

rasm-e-duniyā bhī hai mauqa.a bhī hai dastūr bhī hai

eid ka din hai gale aaj to mil le zalim

rasm-e-duniya bhi hai mauqa bhi hai dastur bhi hai

iid kā din hai gale mil liije

iḳhtilāfāt haTā kar rakhiye

id ka din hai gale mil lije

iKHtilafat haTa kar rakhiye

zahe-qismat hilāl-e-eid kī sūrat nazar aa.ī

jo the ramzān ke bīmār un sab ne shifā paa.ī

zahe-qismat hilal-e-eid ki surat nazar aai

jo the ramzan ke bimar un sab ne shifa pai