Today's top 5 Urdu Shayari

mujh se bigaḌ ga.e to raqīboñ kī ban ga.ī

ġhairoñ meñ baT rahā hai mirā e'tibār aaj

mujh se bigaD gae to raqibon ki ban gai

ghairon mein baT raha hai mera e'tibar aaj

ruḳhsat huā vo ashk hamāre nikal aa.e

ḳhurshīd ke chhupte hī sitāre nikal aa.e

ruKHsat hua wo ashk hamare nikal aae

KHurshid ke chhupte hi sitare nikal aae

siyā hai zaḳhm-e-bulbul gul ne ḳhaar aur bū-e-gulshan se

suuī taagā hamāre chāk-e-dil kā hai kahāñ dekheñ

siya hai zaKHm-e-bulbul gul ne KHar aur bu-e-gulshan se

sui taga hamare chaak-e-dil ka hai kahan dekhen

huā hai ishq meñ kam husn-e-ittifāq aisā

ki dil ko yaar to dil yaar ko pasand huā

hua hai ishq mein kam husn-e-ittifaq aisa

ki dil ko yar to dil yar ko pasand hua

ab bhī aa jaate to rah jaatī hamārī zindagī

baad marne ke agar ḳhat kā javāb aayā to kyā

ab bhi aa jate to rah jati hamari zindagi

baad marne ke agar KHat ka jawab aaya to kya