Today's top 5 Urdu Shayari

nāseh nasīhateñ ye kahāñ yaad rahtī haiñ

hazrat abhī kisī se tabī.at lagī nahīñ

naseh nasihaten ye kahan yaad rahti hain

hazrat abhi kisi se tabiat lagi nahin

āsmānoñ se farishte jo utāre jaa.eñ

vo bhī is daur meñ sach boleñ to maare jaa.eñ

aasmanon se farishte jo utare jaen

wo bhi is daur mein sach bolen to mare jaen

chalte chalte kuchh tham jaanā phir bojhal qadmoñ se chalnā

ye kaisī kasak sī baaqī hai jab paañv meñ vo kāñTā bhī nahīñ

chalte chalte kuchh tham jaana phir bojhal qadmon se chalna

ye kaisi kasak si baqi hai jab panw mein wo kanTa bhi nahin

ye merī tamannā hai pyāsoñ ke maiñ kaam aa.uuñ

yārab mirī miTTī ko paimāna banā denā

ye meri tamanna hai pyason ke main kaam aaun

yarab meri miTTi ko paimana bana dena

badalte vaqt ne badle mizāj bhī kaise

tirī adā bhī ga.ī merā bāñkpan bhī gayā

badalte waqt ne badle mizaj bhi kaise

teri ada bhi gai mera bankpan bhi gaya