Today's top 5 Urdu Shayari

bevafā kuchh nahīñ terī taqsīr

mujh ko merī vafā hī raas nahīñ

bewafa kuchh nahin teri taqsir

mujh ko meri wafa hi ras nahin

jis ne is daur ke insān kiye haiñ paidā

vahī merā bhī ḳhudā ho mujhe manzūr nahīñ

jis ne is daur ke insan kiye hain paida

wahi mera bhi KHuda ho mujhe manzur nahin

ham ne kāñToñ ko bhī narmī se chhuā hai aksar

log bedard haiñ phūloñ ko masal dete haiñ

hum ne kanTon ko bhi narmi se chhua hai aksar

log bedard hain phulon ko masal dete hain

zikr jab hogā mohabbat meñ tabāhī kā kahīñ

yaad ham ā.eñge duniyā ko havāloñ kī tarah

zikr jab hoga mohabbat mein tabahi ka kahin

yaad hum aaenge duniya ko hawalon ki tarah

maiñ ne kitne raste badle lekin har raste meñ 'faroġh'

ek añdherā saath rahā hai raushniyoñ ke hujūm liye

main ne kitne raste badle lekin har raste mein 'farogh'

ek andhera sath raha hai raushniyon ke hujum liye