aaj ik aur baras biit gayā us ke baġhair
jis ke hote hue hote the zamāne mere
mere siine se zarā kaan lagā kar dekho
saañs chaltī hai ki zanjīr-zanī hotī hai
mere sine se zara kan laga kar dekho
sans chalti hai ki zanjir-zani hoti hai
kitne dinoñ ke pyāse hoñge yaaro socho to
shabnam kā qatra bhī jin ko dariyā lagtā hai
those people have been parched for many many years
to whom even a drop of dew an ocean appears
kitne dinon ke pyase honge yaro socho to
shabnam ka qatra bhi jin ko dariya lagta hai
tujhe paane kī koshish meñ kuchh itnā kho chukā huuñ maiñ
ki tū mil bhī agar jaa.e to ab milne kā ġham hogā
tujhe pane ki koshish mein kuchh itna kho chuka hun main
ki tu mil bhi agar jae to ab milne ka gham hoga
un ke dekhe se jo aa jaatī hai muñh par raunaq
vo samajhte haiñ ki bīmār kā haal achchhā hai
un ke dekhe se jo aa jati hai munh par raunaq
wo samajhte hain ki bimar ka haal achchha hai
der se aane par vo ḳhafā thā āḳhir maan gayā
aaj maiñ apne baap se milne qabristān gayā
der se aane par wo KHafa tha aaKHir man gaya
aaj main apne bap se milne qabristan gaya
Devoted to the preservation & promotion of Urdu
A Trilingual Treasure of Urdu Words
Online Treasure of Sufi and Sant Poetry
World of Hindi language and literature
The best way to learn Urdu online
Best of Urdu & Hindi Books
