Today's top 5 Urdu Shayari

ye mere ishq kī majbūriyāñ ma.āz-allāh

tumhārā raaz tumhīñ se chhupā rahā huuñ maiñ

ye mere ishq ki majburiyan maaz-allah

tumhaara raaz tumhin se chhupa raha hun main

ab mirā dhyān kahīñ aur chalā jaatā hai

ab koī film mukammal nahīñ dekhī jaatī

ab mera dhyan kahin aur chala jata hai

ab koi film mukammal nahin dekhi jati

gaahe gaahe kī mulāqāt hī achchhī hai 'amīr'

qadr kho detā hai har roz kā aanā jaanā

gahe gahe ki mulaqat hi achchhi hai 'amir'

qadr kho deta hai har roz ka aana jaana

jafā ke zikr pe tum kyuuñ sambhal ke baiTh ga.e

tumhārī baat nahīñ baat hai zamāne kī

jafa ke zikr pe tum kyun sambhal ke baiTh gae

tumhaari baat nahin baat hai zamane ki

lahū na ho to qalam tarjumāñ nahīñ hotā

hamāre daur meñ aañsū zabāñ nahīñ hotā

lahu na ho to qalam tarjuman nahin hota

hamare daur mein aansu zaban nahin hota