Today's top 5 Urdu Shayari

is qadar musalsal thiiñ shiddateñ judā.ī kī

aaj pahlī baar us se maiñ ne bevafā.ī kī

is qadar musalsal thin shiddaten judai ki

aaj pahli bar us se main ne bewafai ki

terī mahfil se jo niklā to ye manzar dekhā

mujhe logoñ ne bulāyā mujhe chhū kar dekhā

teri mahfil se jo nikla to ye manzar dekha

mujhe logon ne bulaya mujhe chhu kar dekha

galiyoñ kī udāsī pūchhtī hai ghar kā sannāTā kahtā hai

is shahr kā har rahne vaalā kyuuñ dūsre shahr meñ rahtā hai

galiyon ki udasi puchhti hai ghar ka sannaTa kahta hai

is shahr ka har rahne wala kyun dusre shahr mein rahta hai

vo rāteñ chāñd ke saath ga.iiñ vo bāteñ chāñd ke saath ga.iiñ

ab sukh ke sapne kyā dekheñ jab dukh kā sūraj sar par ho

wo raaten chand ke sath gain wo baaten chand ke sath gain

ab sukh ke sapne kya dekhen jab dukh ka suraj sar par ho

ghar se masjid hai bahut duur chalo yuuñ kar leñ

kisī rote hue bachche ko hañsāyā jaa.e

ghar se masjid hai bahut dur chalo yun kar len

kisi rote hue bachche ko hansaya jae