Today's top 5 Urdu Shayari

ġhair se milnā tumhārā sun ke go ham chup rahe

par sunā hogā ki tum ko ik jahāñ ne kyā kahā

ghair se milna tumhaara sun ke go hum chup rahe

par suna hoga ki tum ko ek jahan ne kya kaha

maiñ us ko āñsuoñ se likh rahā huuñ

ki mere ba.ad koī paḌh na paa.e

main us ko aansuon se likh raha hun

ki mere baad koi paDh na pae

kuchh aur de na paa.e zamāne ko ham 'hilāl'

paiġhām-e-amn deñge isī shā.erī se ham

kuchh aur de na pae zamane ko hum 'hilal'

paigham-e-amn denge isi shaeri se hum

mirī dīvāngī par hosh vaale bahs farmā.eñ

magar pahle unheñ dīvāna banñe kī zarūrat hai

meri diwangi par hosh wale bahs farmaen

magar pahle unhen diwana banne ki zarurat hai

ham yahāñ ḳhud aa.e haiñ laayā nahīñ koī hameñ

aur ḳhudā kā ham ne apne naam par rakkhā hai naam

hum yahan KHud aae hain laya nahin koi hamein

aur KHuda ka hum ne apne nam par rakkha hai nam