Today's top 5 Urdu Shayari

jise ishrat-kada-e-dahr samajhtā thā maiñ

āḳhir-e-kār vo ik ḳhvāb-e-pareshāñ niklā

jise ishrat-kada-e-dahr samajhta tha main

aaKHir-e-kar wo ek KHwab-e-pareshan nikla

ham-rañg kī hai duun nikal ashrafī ke saath

paatā hai aa ke rañg-e-talā.ī yahāñ basant

ham-rang ki hai dun nikal ashrafi ke sath

pata hai aa ke rang-e-talai yahan basant

azaab hotī haiñ aksar shabāb kī ghaḌiyāñ

gulāb apnī hī ḳhushbū se Darne lagte haiñ

azab hoti hain aksar shabab ki ghaDiyan

gulab apni hi KHushbu se Darne lagte hain

tum aa ga.e ho to ab ā.īna bhī dekheñge

abhī abhī to nigāhoñ meñ raushnī huī hai

tum aa gae ho to ab aaina bhi dekhenge

abhi abhi to nigahon mein raushni hui hai

mirī nazar meñ ga.e mausamoñ ke rañg bhī haiñ

jo aane vaale haiñ un mausamoñ se Darnā kyā

meri nazar mein gae mausamon ke rang bhi hain

jo aane wale hain un mausamon se Darna kya