Today's top 5 Urdu Shayari

maiñ ne dekhā hai bahāroñ meñ chaman ko jalte

hai koī ḳhvāb kī tābīr batāne vaalā

main ne dekha hai bahaaron mein chaman ko jalte

hai koi KHwab ki tabir batane wala

kyā hasīñ ḳhvāb mohabbat ne dikhāyā thā hameñ

khul ga.ī aañkh to tābīr pe ronā aayā

kya hasin KHwab mohabbat ne dikhaya tha hamein

khul gai aankh to tabir pe rona aaya

aisā bhī kabhī ho maiñ jise ḳhvāb meñ dekhūñ

jāgūñ to vahī ḳhvāb kī ta.abīr batā.e

aisa bhi kabhi ho main jise KHwab mein dekhun

jagun to wahi KHwab ki tabir batae

ai ḳhvāb-e-pazīrā.ī tū kyuuñ mirī āñkhoñ meñ

andesha-e-duniyā kī ta.abīr uThā laayā

ai KHwab-e-pazirai tu kyun meri aankhon mein

andesha-e-duniya ki tabir uTha laya

dekhte kuchh haiñ dikhāte hameñ kuchh haiñ ki yahāñ

koī rishta hī nahīñ ḳhvāb kā tābīr ke saath

dekhte kuchh hain dikhate hamein kuchh hain ki yahan

koi rishta hi nahin KHwab ka tabir ke sath