Today's top 5 Urdu Shayari

goyā tumhārī yaad hī merā ilaaj hai

hotā hai pahroñ zikr tumhārā tabīb se

goya tumhaari yaad hi mera ilaj hai

hota hai pahron zikr tumhaara tabib se

is reñgtī hayāt kā kab tak uThā.eñ baar

bīmār ab ulajhne lage haiñ tabīb se

is rengti hayat ka kab tak uThaen bar

bimar ab ulajhne lage hain tabib se

tadbīr mere ishq kī kyā fā.eda tabīb

ab jaan hī ke saath ye āzār jā.egā

tadbir mere ishq ki kya faeda tabib

ab jaan hi ke sath ye aazar jaega

tadbīr se qismat kī burā.ī nahīñ jaatī

bigḌī huī taqdīr banā.ī nahīñ jaatī

tadbir se qismat ki burai nahin jati

bigDi hui taqdir banai nahin jati

pā-ba-gil sab haiñ rihā.ī kī kare tadbīr kaun

dast-basta shahr meñ khole mirī zanjīr kaun

pa-ba-gil sab hain rihai ki kare tadbir kaun

dast-basta shahr mein khole meri zanjir kaun