Today's top 5 Urdu Shayari

miTTī pe numūdār haiñ paanī ke zaḳhīre

in meñ koī aurat se ziyāda nahīñ gahrā

miTTi pe numudar hain pani ke zaKHire

in mein koi aurat se ziyaada nahin gahra

tū aag meñ ai aurat zinda bhī jalī barsoñ

sāñche meñ har ik ġham ke chup-chāp Dhalī barsoñ

tu aag mein ai aurat zinda bhi jali barson

sanche mein har ek gham ke chup-chap Dhali barson

abhī raushan huā jaatā hai rasta

vo dekho ek aurat aa rahī hai

abhi raushan hua jata hai rasta

wo dekho ek aurat aa rahi hai

tum bhī āḳhir ho mard kyā jaano

ek aurat kā dard kyā jaano

tum bhi aaKHir ho mard kya jaano

ek aurat ka dard kya jaano

aurat huuñ magar sūrat-e-kohsār khaḌī huuñ

ik sach ke tahaffuz ke liye sab se laḌī huuñ

aurat hun magar surat-e-kohsar khaDi hun

ek sach ke tahaffuz ke liye sab se laDi hun