Today's top 5 Urdu Shayari

kuchh aur bhī haiñ kaam hameñ ai ġham-e-jānāñ

kab tak koī uljhī huī zulfoñ ko sañvāre

kuchh aur bhi hain kaam hamein ai gham-e-jaanan

kab tak koi uljhi hui zulfon ko sanware

ai raat mujhe maañ kī tarah god meñ le le

din bhar kī mashaqqat se badan TuuT rahā hai

ai raat mujhe man ki tarah god mein le le

din bhar ki mashaqqat se badan TuT raha hai

bujhā hai dil to na samjho ki bujh gayā ġham bhī

ki ab charāġh ke badle charāġh kī lau hai

bujha hai dil to na samjho ki bujh gaya gham bhi

ki ab charagh ke badle charagh ki lau hai

mujhe bhī lamha-e-hijrat ne kar diyā taqsīm

nigāh ghar kī taraf hai qadam safar kī taraf

mujhe bhi lamha-e-hijrat ne kar diya taqsim

nigah ghar ki taraf hai qadam safar ki taraf

na jaane kitne charāġhoñ ko mil ga.ī shohrat

ik āftāb ke be-vaqt Duub jaane se

na jaane kitne charaghon ko mil gai shohrat

ek aaftab ke be-waqt Dub jaane se