ai mohtasib namāz-e-mohabbat kā vaqt hai

dil bā-vuzū hai aur ġhazal keh rahā huuñ maiñ

ai mohtasib namaz-e-mohabbat ka waqt hai

dil ba-wuzu hai aur ghazal keh raha hun main

na saaya hai na Tahnī par samar hai

ye maujūda zamāne kā shajar hai

na saya hai na Tahni par samar hai

ye maujuda zamane ka shajar hai

jāñ-nashīnī kī jahāñ rā.e-shumārī hogī

vo yaqīnan kisī sādhū kī samādhī hogī

jaan-nashini ki jahan rae-shumari hogi

wo yaqinan kisi sadhu ki samadhi hogi

tā'mīr-e-nau ke vāste bechain thī bahut

chhat gir paḌī hai apne shikasta makān kī

ta'mir-e-nau ke waste bechain thi bahut

chhat gir paDi hai apne shikasta makan ki