bas ek baar vo aayā thā sair karne ko

phir us ke saath hī ḳhushbū ga.ī chaman bhī gayā

bas ek bar wo aaya tha sair karne ko

phir us ke sath hi KHushbu gai chaman bhi gaya

guzrā mire qarīb se vo is adā ke saath

raste ko chhū ke jis tarah rasta guzar gayā

guzra mere qarib se wo is ada ke sath

raste ko chhu ke jis tarah rasta guzar gaya

ḳhud apne hone kā har ik nishāñ miTā Daalā

'shanās' phir kahīñ mauzū-e-guftugū hue ham

KHud apne hone ka har ek nishan miTa Dala

'shanas' phir kahin mauzu-e-guftugu hue hum

phir vahī shaam vahī dard vahī apnā junūñ

jaane kyā yaad thī vo jis ko bhulā.e ga.e ham

phir wahi sham wahi dard wahi apna junun

jaane kya yaad thi wo jis ko bhulae gae hum

zindagī ab tū mujhe aur khilaune lā de

aaise ḳhvāboñ se to maiñ dil nahīñ bahlā saktā

zindagi ab tu mujhe aur khilaune la de

aaise KHwabon se to main dil nahin bahla sakta