is jahāñ meñ nahīñ koī ahl-e-vafā

ai 'fanā' is jahāñ se kinārā karo

is jahan mein nahin koi ahl-e-wafa

ai 'fana' is jahan se kinara karo

āġhāz to achchhā thā 'fanā' din bhī bhale the

phir raas mujhe ishq kā anjām na aayā

aaghaz to achchha tha 'fana' din bhi bhale the

phir ras mujhe ishq ka anjam na aaya

uThā parda to mahshar bhī uThegā dīda-e-dil meñ

qayāmat chhup ke baiThī hai naqāb-e-rū-e-qātil meñ

uTha parda to mahshar bhi uThega dida-e-dil mein

qayamat chhup ke baiThi hai naqab-e-ru-e-qatil mein

ai 'fanā' merī mayyat pe kahte haiñ vo

aap ne apnā va.ada vafā kar diyā

ai 'fana' meri mayyat pe kahte hain wo

aap ne apna wada wafa kar diya

kyā bhuul ga.e haiñ vo mujhe pūchhnā qāsid

naama koī muddat se mire kaam na aayā

kya bhul gae hain wo mujhe puchhna qasid

nama koi muddat se mere kaam na aaya

tamām hosh kī duniyā nisār hai us par

tirī galī meñ jise niiñd aa ga.ī hogī

tamam hosh ki duniya nisar hai us par

teri gali mein jise nind aa gai hogi

bijlī tire jalvoñ kī gir jaa.e kabhī mujh par

ai jaan mirī hastī is aag meñ jal jaa.e

bijli tere jalwon ki gir jae kabhi mujh par

ai jaan meri hasti is aag mein jal jae

na dair meñ na haram meñ jabīñ jhukī hogī

tumhāre dar pe adā merī bandagī hogī

na dair mein na haram mein jabin jhuki hogi

tumhaare dar pe ada meri bandagi hogi

ai 'fanā' miltā hai āshiq ko baqā kā paiġhām

zindagī jab rah-e-ulfat meñ fanā hotī hai

ai 'fana' milta hai aashiq ko baqa ka paigham

zindagi jab rah-e-ulfat mein fana hoti hai