aañsū aañsū jis ne dariyā paar kiye

qatra qatra aab meñ uljhā baiThā hai

aansu aansu jis ne dariya par kiye

qatra qatra aab mein uljha baiTha hai

ḳhush na ho āñ.suoñ kī bārish par

barq hai chashm-e-tar ke pahlū meñ

KHush na ho aansuon ki barish par

barq hai chashm-e-tar ke pahlu mein

behtar hai ki ab ḳhud se judā ho ke bhī dekheñ

dariyā meñ to dariyā kā havāla nahīñ miltā

behtar hai ki ab KHud se juda ho ke bhi dekhen

dariya mein to dariya ka hawala nahin milta

naqāb uThāo to har shai ko pāoge sālim

ye kā.enāt ba-taur-e-hijāb TūTtī hai

naqab uThao to har shai ko paoge salim

ye kaenat ba-taur-e-hijab TuTti hai

umr guzrī safar ke pahlū meñ

ḳhuub se ḳhūb-tar ke pahlū meñ

umr guzri safar ke pahlu mein

KHub se KHub-tar ke pahlu mein

aalā meñ to adnā ke havāle hī havāle

adnā hī meñ aalā kā havāla nahīñ miltā

aala mein to adna ke hawale hi hawale

adna hi mein aala ka hawala nahin milta

in ashkoñ kā dil se kyā ta.alluq

ye sho.ale jigar se aa rahe haiñ

in ashkon ka dil se kya talluq

ye shoale jigar se aa rahe hain

hamāre āsmāñ kā har sitāra sab pe raushan hai

kisī zaḳhm-e-mohabbat ko nihāñ ham ne nahīñ rakkhā

hamare aasman ka har sitara sab pe raushan hai

kisi zaKHm-e-mohabbat ko nihan hum ne nahin rakkha