noImage

Masooda Hayat

Sher of Masooda Hayat

911
Favorite

SORT BY

kis se shikva kareñ vīrānī-e-hastī 'hayāt'

ham ne ḳhud apnī tamannāoñ ko jiine na diyā

kis se shikwa karen virani-e-hasti ka 'hayat'

hum ne KHud apni tamannaon ko jine na diya

hazār shauq numāyāñ the jis nazar se kabhī

vahī nigāh baḌī ajnabī lagtī hai

hazar shauq numayan the jis nazar se kabhi

wahi nigah baDi ajnabi si lagti hai

ḳhushbū koī aa.e to lagtā hai ki tum ho

shīsha kahīñ Takrā.e to lagtā hai ki tum ho

KHushbu si koi aae to lagta hai ki tum ho

shisha kahin Takrae to lagta hai ki tum ho

tamām umr bhaTakte rahe jo rāhoñ meñ

dikhā rahe haiñ vahī aaj rāstā mujh ko

tamam umr bhaTakte rahe jo rahon mein

dikha rahe hain wahi aaj rasta mujh ko

ghar se jo shaḳhs bhī nikle vo sambhal kar nikle

jaane kis moḌ pe kis haath meñ ḳhanjar nikle

ghar se jo shaKHs bhi nikle wo sambhal kar nikle

jaane kis moD pe kis hath mein KHanjar nikle

hazār dard sameTe hue huuñ ik dil meñ

bikhar ga.ī jo mirī dāstāñ to kyā hogā

hazar dard sameTe hue hun ek dil mein

bikhar gai jo meri dastan to kya hoga

ek ḳhushbū ubhartī hai nafas se mere

ho na ho aaj koī aan basā hai mujh meñ

ek KHushbu si ubharti hai nafas se mere

ho na ho aaj koi aan basa hai mujh mein

tumhāre milne har aas aaj TuuT ga.ī

tumhīñ batāo ki ab kis tarah jiyā jaa.e

tumhaare milne ki har aas aaj TuT gai

tumhin batao ki ab kis tarah jiya jae

ye kyā ki aaj koī naam tak nahīñ letā

vo din bhī the ki har ik lab pe baat apnī thī

ye kya ki aaj koi nam tak nahin leta

wo din bhi the ki har ek lab pe baat apni thi

agarche kahne ko kal kā.enāt apnī thī

haqīqatan kahāñ apnī bhī zaat apnī thī

agarche kahne ko kal kaenat apni thi

haqiqatan kahan apni bhi zat apni thi

tum hameñ harf-e-ġhalat kah ke miTā bhī na sake

ab bhī har lab pe sar-e-bazm hai charchā apnā

tum hamein harf-e-ghalat kah ke miTa bhi na sake

ab bhi har lab pe sar-e-bazm hai charcha apna

kyā ġharaz ham ko vahāñ ab koī bhī ābād ho

ham to us bastī se ghar apnā uThā kar le ga.e

kya gharaz hum ko wahan ab koi bhi aabaad ho

hum to us basti se ghar apna uTha kar le gae

Recitation

aah ko chahiye ek umr asar hote tak SHAMSUR RAHMAN FARUQI

Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

GET YOUR FREE PASS
Speak Now