bhiik de kar na jaane kyā leñge

ik bhikāran Darī Darī soche

bhik de kar na jaane kya lenge

ek bhikaran Dari Dari soche

khel-kūd kar shaam Dhale kyuuñ

apne ghar ko jaatī dhuup

khel-kud kar sham Dhale kyun

apne ghar ko jati dhup

kuchh rishte haiñ jin kī ḳhātir

jiite jī marnā hotā hai

kuchh rishte hain jin ki KHatir

jite ji marna hota hai

merī shohrat ke pīchhe hai

haath bahut rusvā.ī kā

meri shohrat ke pichhe hai

hath bahut ruswai ka

terī chāhat kī hai itnī shiddat

pā liyā tujh ko to mar jā.ūñgā

teri chahat ki hai itni shiddat

pa liya tujh ko to mar jaunga